|
من يستحق جواز سفر دبلوماسي /عمو بابا ؟؟أم عوائل أعضاء البرلمان ؟؟؟؟ / بقلم : جلال جرمكا |
جلال جـرمكَا / زيورخ
علينا أن لانستغرب في بلد العجائب والغرائب / عراقنا الحالي / .. حينما نقرأ أو نسمع
أي خبر غريب.. ياماشاءالله كل ألأخبار عن الحكومة المنتخبة وبرلمان ألأحزاب المتناحرة
أغرب من الغريب.. وألأمثلة بالمئات !!!...لاتستغربوا أبداَ ....
من المعلوم ( مسؤل عن كلامي ) أن البرلمان العراقي لايمثل الشعب العراقي لامن قريب ولامن بعد الف كيلومتر طول .. برلمان العراق برلمان أخرزمان :
• أنه برلمان ألأحزاب فقط !!!.
لايحمل صفة البرلمان وبكل المقاييس والقوانين وألأنظمة.. مخالف لأنظمة برلمانات العالم حتى الدول التي برلمانها برلمان / طالعة من بيت أبوها ورايحة البيت الجيران!!. .. أفضل من هذا البرلمان .. أقلاها يتواجدون ويحضرون ألأجتماعات!!.
• لم يشهد أروقة البرلمان حضور كافي ( نصاب كامل ) ، لأصدار أي قرار.. لذلك كل القرارات التي صدرت منهم وعنهم .. غير قانوية وباطلة قانوناَ وشرعاَ!!.
• أكثرية ألأعضاء يشتركون في الجلسات عبر المراسلة وبالبريد ألألكتروني أو بواسطة رسائل قصيرة ( SMS) !!!... خوش برلمان ...!!.
• رئيس البرلمان غير صالح ( أكس باير/ EX ) وهذه بشهادة ألأعضاء / رعاهم الله ...ألأكثرية تقول أنه غير صالح ... يعني / برة الملعب..لازم يشوفله غير شغلة!!... يعني بالعربي ( رد مالك ملعب ويانة .. رد أخوية رد ) !!!. .. خوش نقطة نظام !!.
• أخر شىء يفكر به ألأخوة ألأفاضل / الحجاج / أعضاء البرلمان هي مشاكل الشعب.. ياشعب؟؟ هذولة وين يعيشون ؟؟ شيشتغلون ؟؟؟ ..ألأهم هي ألأمتيازات وبس .. سفر ، حج ، عمرة ، مخصصات ، زيادة أفراد الحماية ، قصر ، مزرعة ، سيارة حديثة له وأخرى للأسرة والعيال لكون ( العيال كبرت ) ويحتاجون تسلية!!!.
• تراهم يطلبون المزيد من ألأمتيازات...( تدرون ليييييش؟؟؟) لكونهم يعرفون أنفسهم.. هي فرصة وماتتعوض.. هذا ألأنفلات في كل ألأمور لابد أن تستغل وإلا يفوتهم الغطار.. وليس القطار !!!.
هل سمعتم... ؟؟؟ أو قرأتم أخر أمتيازات / أعضاء برلمان ألأحزاب العراقية ؟؟؟ .. لنقرأ سويا :
[بغداد: نصير العلي "الشرق الأوسط" - وقع مجلس الرئاسة العراقي، الذي يتألف من رئيس الجمهورية جلال طالباني ونائبيه طارق الهاشمي وعادل عبد المهدي، على قرار جديد يمنح بموجبه رئاسة وأعضاء البرلمان العراقي امتيازات أخرى. ونص القرار على أن يتمتع رئيس مجلس النواب ونائباه بكافة الحقوق والامتيازات التي يتمتع بها رئيس مجلس الوزراء ونائباه، وفي جميع المجالات المادية والمعنوية، فيما يتمتع عضو البرلمان بكافة الحقوق والامتيازات التي يتمتع بها الوزير في جميع المجالات المادية والمعنوية.
كما وافق مجلس الرئاسة على منح رئيس وأعضاء البرلمان وجميع أفراد أسرهم جوازات سفر دبلوماسية.] .
ــ حلووووووو ............. وقعوا يا مجلس الرئاسة .. منهو يكَولكم شداتسوون؟؟؟ .. ملعونة أمريكا على هالحرية وهالديمقراطية اللي مانشتريهة بقرش .. ليش لاء .. حمدان أسمع أخر أخبار / برلمان ألأحزاب... والله يستاهلون.. خلي ياكلون مازال الساحة الهم والحكومة نايمة والشعب لاحول ولاقوة... ليش لاء؟؟.
+ حقهم عيوني.. لعد هم قادة ألأحزاب ليش رجعوا للعراق ؟؟ شنهو لأجل سواد عيوننا ؟؟ لو لمصالحهم الشخصية .. وبعدين هي فرصة .. خلي ياكلون!!.
ــ زين وهذولة هم برلمان؟؟؟؟؟؟؟؟؟؟؟.
+ لاوحق كل ألأنبياء.. هذولة مؤسسة أو شركة تابعة للأحزاب ( واحدهم مجرد حجر شطرنج ) .. مالهم أي علاقة بالشعب.. وهم زين يعرفون... الف عافية عيوني!!.
ــ هذولة جوازات سفر / دبلوماسية لهم ولعوائلهم.. وشخصية رياضية كبيرة مثل / شيخ المدربين عموبابا ماينطوا غير جواز سفر عادي... وين الحق ياناس؟؟.
+ أخوية حرام تذكر أسم / عموبابا ويه هذولة.. والله حرام.. عمو بابا رفع راس العراق عالياَ وعشرات المرات.. وهذولة بالعكس.. ما أدكَولي شسووا للوطن؟؟ للشعب ؟؟؟ لاتستغرب هي الدنيا كلها بالمكَلوب.. يعني زورق مقلوب.. رزم نوري بريدي.. قفز الولد من فوق البرميل !!!... رياض يأكل البيض.. ضفدع .. حوض ..!!.
ــ أضحك .. حمدان أضحك.. والله مسخرة .. فعلاَ قفز الولد من فوق البرميل ...ليش لاء؟؟.
+ طبعاَ مسخرة.. برلمان؟؟؟؟؟؟؟؟ عمي يابرلمان.. هذولة شركة.. سوبر ماركت لصاحبها أحزاب .. حرام أدكَول عليهم برلمان.. شكبر أسمه... فحل التوت بالبستان هيبة!!!... بعدين لاتنسى / عموبابا يحمل جواز موقع عليه 24 مليون عراقي.. نعم بقدر نفوس العراق.. ولكن ألأخوة / برلمان ألأحزاب جوازاتهم مجرد فقاعات هوائية ..ستزول حتماَ... أنتظر !!!... بعدين ( خلي ينكَعوها ويشربون مايتها !!!) .
ــ عافرم حمدان.. عافرم.. خوش حجيت .. والله صدكَ... فحل التوت بالبستان هيبة... بس الله كريم !!.
+ عمو بابا البطل.. الوطني.. رفعة راس العراق في عشرات البطولات .. ينتظر أشهر حتى يحصل على تأشيرة دخول اية دولة أوربية ..( لويحصل لو لاء ) ...ليش؟؟ لكونه يحمل جواز سفر عادي ( طكَ عطية ) وأعضاء برلمان ألأحزاب جواز دبلوماسي / خمس نجوم... وين الحق؟؟؟؟.
ــ أخوية ياحق.. هو لو أكو حكَ.. ماكان شفنة هالوضع ... عيش وشوف ألأغرب ..بعدك وين !!!؟؟.... خلينة هساع.. سمعت أخر أخبار / وزارة الشباب العراقية؟؟؟.
+ لاوالله .. نورنا ..
ــ أقرأ في موقع وزارة / الشباب والرياضة / أخبار الوزارة ..اللهم زد وبارك :
خمسة ألاف دولار من وزير الشباب والرياضة لعلاج عمو بابا
أمر السيد وزير الشباب والرياضة المهندس جاسم محمد لصرف مبلغ (5000) دولار كمنحة لشيخ المدربين عمو بابا كمنحة لاستكمال علاجه في احد المستشفيات باريس. جاء ذلك استجابة للنداء الذي وجهته السيدة منى ابنة المدرب عمو بابا التي تشرف على علاج والدها في فرنسا....
http://www.iraqimoys.com/main.htm
أخوية .. سيادة الوزير.. طال عمرك وخلف الله عليك وماقصرت بس تدري / عموبابا
وين ديتعالج؟؟ وتعرف أسعار العلاج في أوربا؟؟ هذا المبلغ ما يسد تكاليف فحص مختبري لمرة واحدة + كوب شاي حليب ... صدقني وأسأل.. أني أكَول لوترجع المبلغ الى نثرية الوزارة هواية أحسن.. بس..ماكَلتنة هذا من حسابكم الخاص والا من الوزارة.. لكون السادة المسؤلين تعلموا هالتقليعة ( على حسابه الخاص) ... والله كان لازم ما تتفضلون وتتعبون أنفسكم.. ,ألأهم الرجل ديتعالج على حسابه الخاص .. فأية منحة ؟؟؟؟... هذه ماداوي جروح / شيخ المدربين !!. ..مجرد سؤال :
شنهو موقفكم كوزارة.. أذا ما سمعتم وقرأتم بأن / عمو بابا سيتعالج على حساب وزارة شباب دولة عربية...؟؟؟ هل من كلام ؟؟؟. ... ماذا ستقول في أجتماع مجلس الوزراء ( ولو متأكد ماكو أجتماعات لمجلس الوزراء أكثر من نصهم أستقالوا وأنسحبوا وواحد منهم طلب لجؤ سياسي عند الشيطان ألأكبر ) .. ؟؟؟؟. .. أتمنى أن تبادر وزارة الشباب لدولة الصومال أو جيبوتي العظمى أو جزر القمر أو موريتانيا الفقيرة وتعالج شيخ المدربين على حسابها !!!.......... ليش لاء ؟؟؟. ..
لاحظوا ودققوا في الخبر ( مرتان ).. عبارة منحة !!!.
+ ياحكومتنا.. هذه تاريخ.. والله إذا أصاب / عمو بابا سؤ.. ستظل لعنته تلاحكم الى يوم يبعثون.. حافظوا على ثرواتنا الوطنية ولو مرة واحدة فقط لاغير!!!.... اللهم أني بلغت ... !!.
وأخيراَ :
أهدي هذه ألأنشودة الى ألأخوة أعضاء البرلمان ..
ــ هاحمدان.. شنو كَلبت ؟؟؟.
+ وسفة عليك.. بس أسمع :
البلبل الفتان
يطير في البستان
غنى على الاغصان
بأعذب الالحان
الخوخ والرمان والورد والريحان
بالله عليكم ..أنتم هم برلمان ؟؟؟؟؟؟.
لو أنتم .. ياحكومة أخرزمان !!.
|
|
|
|
| |
