مواصفات الزوج الخائن!!!!

أولاً
موبايله دائما مقفول بكلمة سر (باسوورد)…وإذا عنده موبايلين فاثنينهم مقفولات بنفس كلمة السر.. وإذا تسأليه عن السبب يكول: (حتى من يضيع لو ينباك محد يكدر يستعلمه
ثانياً
كل ما اتخابريه يطلعلك (انتظار)… أما بالبيت فنادراً ما يدك… لييييييييييييش؟؟.. محد يدري
ثالثاً
من يوصل للبيت يخلي موبايله على (الصامت)… والله شنو… ما اريد أحد يزعجني!!!… عليييييينه
رابعاً
إذا طلع من البيت للشغل لو للسوق لو يم جماعته ونسه موبايله… يرجع للبيت وره دقيقتين مثل (الطللللللللللقة) وياخذ الموبايل… صح لو لا؟؟
خامسا
إذا جان نايم يقفله للموبايل… كلشي يصير… إحتمال يدك لو تجيه رسالة وهو نايم وميدري… واتروحين (من باب الفضول) اتشوفين منو لو تقرين الرسالة (كاررررررررثة موووو
سادسا
عنده (ردود استباقية).. يعني إذا دك موبايله.. يرفض المكالمة ويكول:… (آآآآهووووو، والله ثبرني فلان.. صار خمسين مرة يدك عليه… ما أريد اجاوبه)… زين إنت منو سائلك؟؟ حتى اتبرر
سابعا
الأسماء في موبايلة غريبة مثل أبو غادة… يعني غاده أنور… يعني نورا
الفيترجي… التنكجي… أبو المولدة… أبو الحصة يعني سوسو… ميمي… لولو… فوفو
ثامنا
فجأة يصير وياج رومانسي جداً ويحبج ويتغزل بيج وبدون سبب او سابق إنذار….. هاي يسموها عقدة الذنب
تاسعا
إذا رحتي لبيت أهلج يخابرج ويكول:… (إذا متونسه خليج يمهم، وباتي همين إذا إتريدين)… وإنتي طبعاً ما اتصدكين وتسمعين كلامه…… خليج خليج.. خلي يفدوج أهلج إذا اتزوج عليج
إذا اتوفرت كل الحالات بزوجك
عيوني.. لمي غراضج وروحي لبيت اهلج… حالة زوجك ميؤوس منها…..هههههههههههه

 

للضحك فقط !!

You may also like...

2 Responses

  1. Hiba says:

    تحيه حلوه اخ انور
    لا هاي المهمه راح اسلمها الك ههههههه

  2. انور صليوة سبي _ جوزيف says:

    تحية طيبة
    و ماهي صفات المرأة الخائنة يا اخت هبة ؟ نورينا ؟؟؟؟ هههههههه

Leave a Reply

Your email address will not be published. Required fields are marked *